Luk 4: 7-14(Nagmaal)
Ons almal hou mos van partytjies. Tye wat ons saam met saam met vriende eet en kuier. Dis lekker ontspanne en ons leer mekaar so ken. Wie mens nooi na ‘n partytjie sê nogal iets, want ons nooi mos mense wat vir ons belangrik is. Mense saam met wie jy graag wil tyd spandeer.
So was Jesus ook genooi na ‘n partytjie toe. Kom ons lees daarvan.Lees vers 7-11.
Ek wil begin met ‘n storie
Daar was lank terug ’n waterdraer wat twee kruike gedra het - elkeen het gehang op die punt van ’n paal wat hy oor sy nek gedra het. Een van die potte was gekraak en ander een was volmaak en die gekraakte een het altyd halfvol water by die huis aangekom.
So het dit vir twee jaar aangegaan en soos die tyd aangestap het, het die gekraakte pot skaam gevoel oor sy gebreke en sleg gevoel omdat hy net die helfte van die werk kon doen - hy kon net vir ’n halwe kruik water sorg.
Na twee jaar het die gekraakte waterkruik met die waterdraer gepraat: “Ek skaam my vir myself en ek wil jou om vergifnis vra.” Die waterdraer het met ’n frons op sy voorkop gevra: “Waaroor skaam jy jouself?”
“Ag, as gevolg van my kon jy ten spyte van jou harde werk, nooit jou werk doen soos jou meester dit wou hê nie.”
Die waterdraer het met sagte oë na die waterkruik gekyk en met deernis in sy stem gesê:
“As ons terugloop na die meester se huis toe wil ek hê jy moet oplet hoeveel blomme daar langs die paadjie is.”
Die gekraakte waterkruik het die pragtige kleurvolle blomme opgemerk en dit het hom baie bly gemaak, maar toe hulle weer by die huis aankom, het hy hom weer van vooraf doodgeskaam, want die helfte van die water was weer weg.
Die waterdraer het vir hom gesê: “Het jy opgemerk dat daar net blomme aan jóú kant van die paadjie was? Jy sien, ek het geweet van jou gebrokenheid en daarom het ek saadjies daar geplant en jy het dit elke dag natgemaak. Die afgelope twee jaar kon ek blomme pluk om my meester se huis elke dag mooi te maak.
Besef jy nou hoe spesiaal jy is? In jou stukkend-heid het jy gehelp dat die saadjies in mooi blomme verander, wat weer op hulle beurt die meester se huis spesiaal gemaak het.”
Wanneer Jesus by hierdie partytjie aankom, sien hy dat daar mense is wat dink hulle is belangriker as ander mense. Hulle dink hulle verdien om aan die kop van die tafel te sit, want hulle het gedink dis waar die belangrike mense gesit het. Maar Jesus sê dat almal ewe belangrik is. Almal is gelyk. Almal van ons is maar soos die stukkende kleipot, maar vir God is ons almal spesiaal. Vir God is ons almal iemand, soos wat ons gemeente se visie sê.
Maar daar is ook ‘n tweede deel aan hierdie storie. Jesus sê dat ons ook gasvry moet wees.Lees vers 12-14
Jesus herinner ons dat die kerk ‘n plek moet wees, waar almal welkom is. Veral die mense wat ons nie noodwendig na ons partytjies toe sal nooi nie, moet hierheen uitgenooi word.
Wie van julle onthou nog die TV program Cheers.
Making your way in the world today
Takes everything you've got;
Taking a break from all your worries
Sure would help a lot.
Wouldn't you like to get away?
Sometimes you want to go
Where everybody knows your name,
And they're always glad you came;
You want to be where you can see,
Our troubles are all the same;
You want to be where everybody knows your name.
Be glad there's one place in the world
Where everybody knows your name,
And they're always glad you came;
You want to go where people know,
People are all the same;
You want to go where everybody knows your name.
Where everybody knows your name,
And they're always glad you came
Dis hoe die kerk ook moet wees. ‘n Plek waar jy altyd welkom is. ‘n Plek waar jy met al jou probleme en issues kan kom en kan weet, dis OK, hier gaan ek nie geoordeel word nie, hier is ek veilig.
En Jesus stel vir ons die voorbeeld, hy het ‘n reputasie gehad dat hy die stukkende mense, die sondaars, die mense met probleme en issues liefgehad en nader getrek het.
Hoor wat staan in Luk 15:1-2: “By this time a lot of men and women of doubtful reputation were hanging around Jesus, listening intently. The Pharisees and religion scholars were not pleased, not at all pleased. They growled, "He takes in sinners and eats meals with them, treating them like old friends."
Jesus het dit gedoen omdat hy nie na hulle gekyk het in terme van reg-en-verkeerd nie, hy het na hulle gekyk met liefde en omdat hulle vir hom spesiaal was.
Die een plek waar dit die beste geillustreer word is rondom die nagmaalstafel. Die nagmaal is ook ‘n partytjie. Maar dis nie ‘n partytjie waar daar sitplekke vir belangrike mense is nie. Dis nie ‘n partytjie waarheen net sondelose mense genooi word nie. Ons kon sit juis by die nagmaal tafels met al ons sonde en issues en probleme. Ons kom sit hier met al hierdie goed omdat ons weet sodat ons herinner kan word daaraan dat ons spesiaal is vir Jesus en dat ons vergewe is. Ons kom sit hier as kleipotte wat maar lekker gekraak is, maar wat spesiaal is vir God. So maak nie saak wie jy is nie, maak nie saak waarmee jy in jou lewe sukkel nie, by hierdie tafel is jy welkom.
Gebruik die nagmaal
No comments:
Post a Comment