Preek 15 Augustus 2010

Jesaja 5: 1-7


Dit was Hans Christian Anderson, die bekende Deense sprokieskrywer, wat gesê het: “Waar woorde misluk, praat musiek!”

In vanoggend se teks sing Jesaja ‘n liefdeslied. In aansluiting by Hans Chrsitian Anderson – hy sing nou maar want dit lyk nie asof al sy gepraat met die volk gehelp het nie. Hy sing oor ‘n wingerd en die boer wat sy wingerd liefhet. Die boer waarvan hy sing verwys na God en die wingerd verwys na die volk.

Lees die teks

Nadat die Beatles opgebreek het en hulle elkeen hulle eie ding gaan doen het, het John Lennon eenkeer vir Paul McCartney gekritiseer en gesê hy skryf teveel ‘silly love songs’. Paul McCartney se reaksie was om ‘n liefdesliedtjie te skryf waarin hy die volgende gesing het:

“You’d think that people would have had enough of silly love songs,

but I look around me and I see it isn’t so.

Some people want to fill the world with silly love songs,

and what’s wrong with that?

I’d like to know, ‘cause here I go again.”

Ons hou mos maar van ‘n mooi liefdesliedjie. Maar daar is mos ook ‘n ander kant hieraan, miskien hou ons so baie van liefdesliedjies juis omdat ons so sukkel met die liefde.

’n Antropoloog het onder die Hopi-mense gewerk en agtergekom dat al hulle kuns/musiek oor reën gaan. “Waarom?” wou die antropoloog weet.

Die antwoord: “Omdat daar ’n skaarste aan water in die land is waarin ons bly.” Toe vra die Hopi mense vir die antropoloog: “Is dit hoekom daar so baie van julle westerlinge se liedjies oor liefde gaan?”

Dis mos die paradoks van ons wêreld. Ons leef aan die een kant in ‘n wêreld waar ons mal is oor liefdesliedjies en liefdesverhale en romantiese comedies, maar aan die ander kant sukkel ons om mekaar lief te hê. Ons is liewer vir onsself as vir ander mense. Ons dien ons eie belange eerder as om na mekaar om te sien. Ons sien dit tussen vriende, in huwelikke, in werksituasies , ons sien dit in die verhoudings tussen die verskillende mense in ons land.

Dis presies die probleem wat Jesaja in die teks aanspreek.

In hierdie lied sing Jasaja oor die verhouding tussen God en sy kinders. God is die boer sy kinders is die wingerd. En die boer gee alles vir sy wingerd, en hy verwag daarom die beste oes. Maar hy kry dit nie – die wingerd lewer net suur druiwe.

God gee die beste, sodat sy kinders die beste vrugte sal dra.

Die lied beskryf wat hy alles gee:

Hy kies vrugbare grond

Die grond word omgespit en die klippe word verwyder

Veredelde wingerd word geplant

Wagtorings word gebou om die wingerd te beskerm

En ‘n parskuip word uitgekap.

God het alles gedoen wat nodig is om goeie vrugte te verseker.

Daar is die storie van ‘n bedelaar wat eendag langs die pad gesit en bedel het, toe Alexander die Grote daar verby kom en vir ‘n handvol goue muntstukke gee. Een van Alexander se raadgewers vra hoekom gee hy vir die bedelaar ‘n klomp goue muntstukke. ‘n Paar koper munte sou mos genoeg wees. Alexander sê toe: “‘n paar kopermuntstukke sou wel genoeg wees om die bedelaar se behoefte aan te spreek, maar die goue muntstukke pas beter by my manier van gee.

Dis hoe God is, sy goedheid en genade, ken geen einde nie. En ek dink ons almal het al hierdie goedheid in ons lewens op verskillende maniere beleef. Die probleem is net dat ons baie keer soos Israel hierdie goedheid vir ons self neem, maar ons leef dit nie uit nie. En dan word die vrugte suur.

Soos ons lees in vers 7…

Vers 7 sê dat die volk geraak het soos die ou wat eendag oor ‘n koppie koffie vir sy vriend gesê het: “Ek het al ‘n klomp lewenstrategiee uitprobeer – en om totaal selfgerig te wees, werk die heel beste vir my.”

Dis nie hoe God ons gemaak het nie, dis nie God se wil vir ons nie.

God het Israel gemaak vir geregtigheid, maar hulle doen ongeregtigheid.

God het Israel gemaak om vrug te dra, maar hulle is vrugloos.

God het hulle gemaak vir regverdigheid, maar hulle beoefen boosheid.

God het hulle gemaak vir diens, maar hulle bevredig net eie behoeftes

God het hulle gemaak om goedheid te pleeg, maar pleeg net misdaad

God het hulle gemaak vir die waarheid, maar hulle lewe en praat onwaarhede.

God het hulle gemaak om te wandel in die lig, maar hulle lewe in die donkerte.

Op hierdie manier rig hulle meer skade aan as goed.

Die Christelike geloof lei skade en is ongeloofwaardig as ons nie ook focus op diens, goedheid, geregtigheid, regverdigheid en onvoorwaardelike liefde nie. As mens m.a.w. nie die goed wat jy van God ontvang gaan uitleef ook nie.

Hoor net wat sê Jesus hieroor in Matteus 23:23 waar hy met die fariseers praat.

“Ek waarsku julle, Fariseërs en Joodse teoloë. Julle is pynlik presies oor hoe julle kerk hou en julle werk julle tiendes tot op die laaste sent uit. Maar as dinge gedoen moet word wat regtig vir God saak maak, skitter julle in julle afwesigheid. Ek praat van dinge soos om vir almal ’n regverdige kans te gee; of dat julle so vir mense omgee dat julle hulle graag wil help; of dat mense weet dat hulle julle kan vertrou. Ek sê nou nie die ander dinge wat julle doen, is noodwendig verkeerd nie. Maar dit is niks werd as julle nie ook die dinge doen wat regtig vir God saak maak nie.” (Die Boodskap Matt 23:23)

Wat Jesaja sê: die Here wil hê dat die lewe soet moet wees vir almal, maar dit word suur as sy kinders nie liefdevol teenoor almal optree nie; wanneer sy kinders nie ‘n oog het vir hulle naaste nie en nie reg leef nie.

Kom ek wys gou vir julle ‘n voorbeeld van mense wat hierdie beginsel ernstig opgeneem het. Dis die mense van Primedia Broadcasting. Hulle het die radiostasies soos Cape talk, KFM, 702. Hulle het gewonder hoe kan ons die gees van welwillendheid van die world cup laat oorspoel na die res van ons land. Toe kom hulle met Leadsa

Leadsa wil die volgende doen: “Leadsa aims to highlight the achievements of the nation and celebrate the efforts of ordinary South Africans who continually seek to do the right thing for themselves, for their families and for their country.

Onder andere beteken dit die volgende:

1. Stand up for what’s right. If you’ve had a glass too many, let a designated driver take you home.

2. Stand up to corruption. Don’t bribe.

3. Stand up for morality. Report crime.

4. Stand up for your community. Get to know your neighbours.

5. Stand up against indifference. Take an interest in those around you.

6. Stand up for free speech. Listen to the other side.

7. Stand up for your future. Respect the environment.

8. Stand up for education. Read to your children.

9. Help instead of Hinder. Say yes when asked to do a favour, don’t look for excuses.

10. Acknowledge goodness. When you have something good to say, say it.

Dis maar wat Jesaja ook sing in sy lied.

Mag ons mense wees wat God se goedheid in ons lewens raaksien, maar mag ons ook mense wees wat hierdie goedheid gaan uitleef.

Mag ons mense wee swat die regte goed vir die regte redes doen

Mag ons mense wees wat soet vrugte dra en nie suur vrugte nie.

Mag ons mense wees wat die wêreld ‘n beter plek maak.